هەرێمی کوردستانی عێراق
سەرۆکایەتی ئەنجومەنی وەزیران
وەزارەتی گواستنەوە و گەیاندن
کوردی  |  عربي  |  English
هەواڵەکان

وەزیری گواستنەوە و گەیاندن، فڕۆکەخانەی نێودەوڵەتی ئەربیل (هەولێر) بەسەردەکاتەوە.

ئەمڕۆ چوارشەممە ٢٦-٨-٢٠٢٠ ، ئانۆ جەوهەر وەزیری گواستنەوە و گەیاندنی حکومەتی هەرێمی کوردستان ، فڕۆکەخانەی نێودەوڵەتی ئەربیل (هەولێر)ی بەسەرکردەوە.
بەڕێزیان لەلایەن تەلار فایەق بەڕێوەبەری گشتی فڕۆکەخانەو بەڕێوەبەری بەشەکان و ستافی فڕۆکەخانە پێشوازی لێکرا.
پاش بەسەرکردنەوەی بەشێک لە بەشەکانی فڕۆکەخانە،لە کۆبوونەوەیەکدا باس لە ڕۆڵی گرنگی فڕۆکەخانەکانی هەرێمی کوردستان و هەوڵ و ماندووبوونیان لەخزمەتکردنی گەشتیاران کرا لە هەردوو فرۆکەخانەی نێودەوڵەتی هەرێمی کوردستان (هەولێر و سلێمانی ) کە دوو دامەزراوەی هەرە گرنگی وەزارەتی گواستنەوە وگەیاندنی حکومەتی هەرێمی کوردستانن و هەمیشە پێویستیان بە پشتگیری بەردەوامە لە پێناو پێشکەش کردنی باشترین خزمەتگوزاری بە هاووڵاتیان و گەشتیاران.
لە بەشێکی تری کۆبوونەوەکەدا، باس لە ڕێوشوێنی خۆپارێزی و پاراستنی تەندروستی گەشتیاران لە پەتای COVID-19 کۆرۆنای نوێ کرا کە بەپێی ستانداردی ڕێکخراوی تەندروستی جیهانیە WHO و سەلامەتی هەمووانی زامن کردووە و گرنگی پەیرەوکردنی پرنسیپەکانی دوورکەوتنی کۆمەڵگایی لە کاتی گەشتی هاووڵاتیان و گەشتیاران دووپاتکرایەوە.
وێڕای دەستخۆشی لە رێزدار ب.گ فڕۆکەخانە رێزدار تەلار خان، جەخت لەسەر کارو شەونخونی زیاتر کرایەوە لە پێناو پێشخستنی زیاتری ئەم کەرتە گرنگەی هەرێمی کوردستان کە ئامانج و بەرنامەی کابینەی نۆیەمی حکومەتی هەرێمی کوردستانە.

 
 

© 2020 All Rights Reserved.