هەرێمی کوردستانی عێراق
سەرۆکایەتی ئەنجومەنی وەزیران
وەزارەتی گواستنەوە و گەیاندن
کوردی  |  عربي  |  English
هەواڵەکان

وەزارەتی گواستنەوە و گەیاندن: دەبێت کۆمپانیاکانی فڕۆکەوانی پابەندی رێنماییەکان بن.

لە فەرمانێکی وەزاریدا بەڕێز(ئانۆ جەوهەر عبدالمسیح) وەزیری گواستنەوە و گەیاندنی حکومەتی هەرێمی کوردستان، جەخت لەسەر پابەندبوونی کۆمپانیاکانی فڕۆکەوانی بە رێنماییەکانی لیژنەی باڵای رووبەڕوبوونەوەی پەتای ڤایرۆسی کۆرۆنا و دەسەڵاتی فڕۆکەوانی مەدەنی عێراق دەکاتەوە.

لە دەقی فەرمانەکەدا هاتووە لە چوارچێوەی رێوشوێنەکانی خۆپارێزی لە پەتای کۆرۆنا، کۆمپانیاکانی فڕۆکەوانی نابێت گەشتەکان رێکبخەن و هەر کۆمپانیایەک پابەند نەبێت سزادەدرێت و بۆ ماوەی سێ مانگ مۆڵەتی کارکردنی رادەگیرێت.
شایانی باسە تەنها رێگا بەو گەشتانە دەدرێت کە لەلایەن وەزارەتی گواستنەوە و گەیاندن و ناوخۆ و فەرمانگەی پەیوەندییەکانی دەرەوە رێکدەخرێن.
شایانی باسە دەسەڵاتی فڕۆکەوانی مەدەنی عێراق لە چوارچێوەی رێوشوێنی خۆپارێزی لە پەتای کۆرۆنا، گەشتەکانی ئاسمانی بە هاتن و چونەوە هەتا ۲۲-٥-۲۰۲۰ لە فڕۆکەخانەکانی عێراق و هەرێمی کوردستان راگرتووە.

 

 
 

© 2020 All Rights Reserved.